Innlevering arbeidskrav2, modul3

Innlevering arbeidskrav 2, modul3.

Gjekk ei stund før eg oppdaga skilnaden på offentleg og privat Netvibes. No har eg også laga ei offentleg Netvibes-side.

Har kommentert Bloggane til:

Jill
Gørild
Kristian
Anne-Lise

Adressa til min offentlege Nettvibe

Fagnettverk på nett - spennande og utviklande.

Gjennom IKT-studiet har vi  alt i alt etablert mykje ny kunnskap i organisasjonen vår. Frå handsaming av bilete, biletpresentasjonar, videoredigering, deler av Officepakken, LMS/Fronter, Wiki, samskriving på nett/EtherPAD, bruk av digitale nettressursar, har no vi danna ei gruppe i organisasjonen som "Bloggar". Gruppa kan dele erfaringar, eksperiment, fagstoff vi oppdagar, og eigen kreativitet og kunnskap med med kvarandre.
Eg har oppretta BLOGGMAGNE. Her kan eg uttrykkje meg, hente inspirasjon frå andre sine bloggar som er linka opp. Eg kan kommentere og få kommentarar. Eg kan få innsikt i stoff dei andre oppdagar, og som har relevans for skulen si drift og pedagogiske praksis framover.
Tykkjer at mange av lærarane har ei god tilnærming til dei nye mogelegheitene, men at det og er mange utfordringar knytt til digitalisert opplæring.
Har også laga mi eiga side i Nettvibes.....organisert den med ulike faner...sortert litt. Denne sida vil eg prøve å "strekkje" litt framover.

Sosiale media i Vg2-køyretøy

Hei, idag har eg undervisning i køyretøyklassa. Medan elevane løyser oppgåver om grunnleggande datateknologi spør eg dei litt om deira bruk av sosiale media.

Ingen brukar blogg sjølv. Dei les veldig skjeldan andre sine bloggar.
Alle brukar facebook - har eigen konto. Nesten alle er innom dagleg, dei fleste fleire gonger om dagen, også i skuletida. MSN vert brukt parallelt med facebook. Nokre av elevane har foreldre som har konto. Varierande bruk, men elevane gjev uttrykk for at dei helst vil ha kanalen for seg sjølv. Ein seier f.eks at han at han "nektar" foreldra å bruke facebook.
Ulike forum innanfor bilfaget, f.eks http://www.bimmers.no/, http://www.club-honda.org/ og http://www.autodb.no/ er dagleg kost.
Youtube vert nytta både fagleg og til underhaldning.
Elles elevane innom temasider innan sine private interesser f. eks sider med  skating http://www.50-50.no/  som tema.
Nettaviser er aktuelt dagleg, men ikkje så mykje TV-kanalar.
Alle har mobiltelefon. Skulen og elevane har avtale om at elevane skal gje melding til kontaktlærar  ved fråvær. Fronter gjev skulen mogelegheit til å sende SMS til alle elevar, eller grupper av elevar.
Fronter vert bruk til oppgåver, oppgåveinnlevering, kalendar, undervegsvurdering, logg ved utplassering.

Kva tykkjer de, harmonerar dette med dåka erfaringar med elevane sin bruk av sosiale medie?